« Los imatges se mesclan, se fusionan. »
D’autras formas, d’autres luòcs, d’autres còrs apareisson…
Una escapada sens constrenchas, dins l’espaci vast e intim de l’imaginacion.
Expressions d’emocions divèrsas capturadas dins d’imatges, gràcias a de moments capturats pendent mas erranças fotograficas.
Crei de « composicions numericas » a partir de mas fòtos.
Monti, superpausi, transformi, destorbi la realitat a l’entorn, la veli o l’agusi. Prepausi de novèls espacis, de novèlas perspectivas.
Dempuèi la realitat, m’immergi dins l’invisible, l’inexpressible.
Visions e impressions oniricas del mond a mon entorn.
D’un detalh a un tot, apondi, dividi, reüni.
Lo resultat es d’impressions, d’emocions, de païsatges indefinits e infinits.
Sens títol per pas influenciar la perspectiva de l’espectator, daissi l’interpretacion a cada individú.
D’un uèlh a l’autre, d’un còr a l’autre, tot pòt cambiar.
La libertat coma un fial comun.
Cada persona tira son agach sus aquelas representacions e comença son pròpri viatge amb son pròpri bagatge personal.

« Lo vertadièr viatjaire a pas cap de plan establit e pas cap d’intencion d’arribar. » Lao Tzu