Ben, artista nom de Benjamin Vautier, nascut lo 18 de julhet de 1935 a Nàpols e mòrt lo 5 de junh de 2024 a Niça, se definiguèt coma un artista internacional de l’“etnia occitana”. Aqueriguèt notorietat a partir de la fin de las annadas 1950, en particular a travèrs sos “escriches”, presentats jos divèrsas formas e sus de mèdias insolits, que li portèron de succès e de fama. dins l’avantgarda artistica pòstmodèrna, Ben aparteniá al grop Fluxus. Segon Ben, lo mond deuriá èsser multicultural. En 1962, rescontrèt François Fontan e descobriguèt sa teoria sus las etnias: una vision multiculturala del mond que cada pòble a sa pròpria contemporaneitat e sa creativitat. Ben sosten l’idèa de l’existéncia d’una etnia per cada lenga umana del mond, es per aquò que se prononcièt contra los « genocidis » lingüistics, e pel drech de cada òme de portar e de revendicar sa pròpria lenga e cultura d’origina . En 2011 foguèt al còr d’una granda operacion culturala menada a Tolosa jos l’ègida de l’Ostal de Vila, e en particular una mòstra de sas òbras a l’Espace Croix Baragnon aital coma una installacion a la Maison de l’Occitanie entitolada « per salvar lo mond ».

Aquesta mòstra torna tot lo long del mes de decembre de 2024 a son luòc de naissença per rendre omenatge a aquel artista atemporal.

Programa

Aprèp-miègjorn del 13 de decembre : a partir de 4h ensemble multimèdia al sen de la Maison de l’Occitanie en amassant d’invitats, d’artistas, d’autors, de poètas… al micrò de Ràdio Occitanie (difusion sus divèrses autres mèdias en dirècte) .

6h: inauguracion oficiala de l’exposicion originala de Ben: Per salvar lo monde / per salvar lo mond!

Fins a 8h: performància poetica – charradissa e musica “Sem Ben Aqui! » amb: – Miquèl Batalha; – Jacme Gaudas; – Serge Pey; – Claude Sicre e Aurélie Neuville du Breulh : «Catch Ben»; – e los musicians Sergio Berardo e Robi Avena.

8h: discorses d’elegits representant los partisans de la Maison de l’Occitanie per son 18n anniversari.

8h30 : repais convivial ofèrt per Convergencia Occitana.

9h30 : concèrt de Sergio Berardo (del grop Lou Dalfin de las valadas occitanas d’Itàlia) e de Robi Avena.

Reservacion obligatòria sus